South Korea nahta Adyhna bie reih khao aw ma pi – N.Korea

North Korea chata South Korea nahta adyhna biereina hnei khao aw vei ei, tahpa ta, South Korea nahta adyhna châta biereina hnei awpa cha ama dytha. North Korea heta he he ‘South Korea hmotao pado leipa vâta a châ’ a ta.

He bie he South President Moon Jae-in ta Pohbienoh ta adyhna chôchâh a biereipa liata a pahlao tawhta North Korea heta ama phuah.

He hawhta a châ nona heta Chutyhnoh khata North Korea chata tilaipi liata missile ei no a kapapua heihpa hawhta, South Korean pheisaih biepuapa chata a palâsa. He he atahmâ thlâpâ chhôhta ei 6 a kapapuana a châ ha bâ.

Noh charu a khô hapa chhôh khata , North Korea heta lâhnia a ka theipa meithothu (short-range ballistic missiles) cha Sea of Japan liata a vaw ka papua ha. North Korea he khizaw râh nano nanopazy ta Nuclear ama taopa vâta ama hrie hai.