Albania liata losihpa vâta chyhsa 20 thi ei ta, chyhsa 600 hleita hmah ama phaoh!
Hriaheihnohta Albania liata lo asihpa vâta chhiena a tlôpa liata chyhsa 20 ta hrona pahlei ei ta; mohropa 600 hlei ta hmah ama phaoh. Lo asihpa heta O nata lyu hleikhôta, hmo nano nanopa a parao. Pachhapapuatuhpazy ta zâhnia Hriaheihzâ taihna khata pachhana rai ama hria pazao.
Hriaheihnoh my dawh 8 rachhôh khata '6.4 magnitude' ta pasapa ta, Albania khihpi Tirana, tawhta km 34 ta â hlapa liata lo he a sih ta. Hrona a pahleipazt he Durres nata Thumane khih liata a pahrâpazy ama châ via chai. He khih mianopazy he lo â sih pathaona su (Epicentre) tawhta â hla vei ei.
Losihpa vâta ama O nata lyu a rao hapazy nata, ama O nata lyu lâta a di ngâh khao leipazy châta byureih taopa châ ta. Deichhyna rai hria pazao lymâpa a châ, tahpa BBC chata a palâsa. He hleikhôna heta zawpi thokha cha Durres liata Stadium chhôh liata pa-ysapa ama châ hra.
Albania Prime Minister Edi Rama chata pachhapapuana raihriatuhpazy chata ama theina zydua papuapa ta ama rai ama pazao lymâ awpazie a rei ha hra.
Albania sawhkhâ chata Pakhynoh he losihpa liata hrona a pahleipazy vâta mâchhiesana noh ta a raopâ ha hra.
He hawhta a châ nota, 'European Commission' Albania liata pachhapapuana raihriatuh awpa - Italy, Greece nata Romania tawhta ama tuah, tahpa phuah ta; Kosovo nata Montenegro ta chhao ama tuah ha hra.
He losihpa he kô 10 chhôhta Albania liata lo asihpa hryta pasa chaipa a châ.
Hriaheihnoh my dawh 8 rachhôh khata '6.4 magnitude' ta pasapa ta, Albania khihpi Tirana, tawhta km 34 ta â hlapa liata lo he a sih ta. Hrona a pahleipazt he Durres nata Thumane khih liata a pahrâpazy ama châ via chai. He khih mianopazy he lo â sih pathaona su (Epicentre) tawhta â hla vei ei.
Losihpa vâta ama O nata lyu a rao hapazy nata, ama O nata lyu lâta a di ngâh khao leipazy châta byureih taopa châ ta. Deichhyna rai hria pazao lymâpa a châ, tahpa BBC chata a palâsa. He hleikhôna heta zawpi thokha cha Durres liata Stadium chhôh liata pa-ysapa ama châ hra.
Albania Prime Minister Edi Rama chata pachhapapuana raihriatuhpazy chata ama theina zydua papuapa ta ama rai ama pazao lymâ awpazie a rei ha hra.
Albania sawhkhâ chata Pakhynoh he losihpa liata hrona a pahleipazy vâta mâchhiesana noh ta a raopâ ha hra.
He hawhta a châ nota, 'European Commission' Albania liata pachhapapuana raihriatuh awpa - Italy, Greece nata Romania tawhta ama tuah, tahpa phuah ta; Kosovo nata Montenegro ta chhao ama tuah ha hra.
He losihpa he kô 10 chhôhta Albania liata lo asihpa hryta pasa chaipa a châ.
No comments