INDIA : Dawh 24 chhôhta Covid-19 hri kiahpa chyhsa 20,000 daihmâ hmôpapua!

Dawh 24 chhôhta India liata Covid-19 hri-ohpa chyhsa 19,906 hmô chhi heihpa châ ei ta, he he nohkha chhôhta hri kiahpa hmôpapuapa ama hluh chaina noh a châ. Hetana heta Covid-19 hri ohpa hmôpapuapa zydua cha 528,859 ama châ hai, tahpa Union Health Ministry chata ama palâsa. He dawh 24 chhôh pyly heta chyhsa 410 cha COVID-19 vâta thi heih ei ta, India râh liata Covid-19 vâta a thipa zydua cha 16,095 ama kaw châ ha. Atahmâ duasu liata India cha United States, Brazil nata Russia pazipa ta Covid-19 hri kiahpa hmôpapuapa hluh chaina râh a châ hai.

State 8 - Maharashtra, Delhi, Tamil Nadu, Gujarat, Telangana, Uttar Pradesh, Andhra Pradesh nata West Bengal - zy liata hri kiahpa zydua zie he râh pôhpalôhpa liata hri kiahpa zie 85.5% tloh ei ta, he pasana vâta a thipa zie tawhta 87% he state zy liatapa ama châ hra. He state zy hryta Maharashtra (hri kiahpa thysy 1.59, a thipa zie 7,243), Delhi (hri kiahpa 80,188, a thipa zie 2,558) nata Tamil Nadu (hri kiahpa 78,355, a thipa zie 1025), âmo state 3-pazy heta India liata Covid-19 hri kiahpa zydua tawhta 63.7% ama to.

He thâtih pachhuahpanoh hai no taihna heta India liata Covid-19 hri-oh haipa (Active cases) 2,03,051 y hai ei ta, chyhsa 16,095 ama thi ha.