India-China : Galwan chavah rachhôh liata China pheisaih amâ pa-ipacha via ngâkaw?

Image Source : NDTV

New Delhi: NDTV-ta ziza (Sattelitte) tawhta nohthlah ama lapa a papuapa liata, Chinese pheisaihzy ta tlâhphia ama hypa châ sala a ngiapa, poh-o ama raipa, Galwan chavah kiah rachhôh liatapa hmô theipa a châ, he poh-o rôh vyhpazy he Line of Actual Control (LAC) chaby liata Chinese pheisaihzy yna a châpa ta pahnopa a chânazie reipa a châ.

He hleikhôna heta, he nohthlahpa heta LAC kiah, km 9 ôna chhôh liata Chinese People's Liberation Army-zy yna (Camp) 16 tlai a ypa hawhta ama palâsa hra.

He nohthlahpa heta China cha amâ reina dâh hawhta he su tawhna heta a sy leipa ei ta, pheisaih hyhkha ama soh thlâh ha chy tahpa a sia kawpa ta â lâ, tahpa NDTV chata reihpa ta - he he India râhchhôh, LAC hiakha lâta a ypa India Pheisaih châta cha chichhihpa a châ theipa a châ ama tah hra. Târi 22 Chhiepa liata India nata China pheisaih apakyhna, 'Lieutenant General-ranked officer' zy atyupahmaohna hneipa liata India nata China heta Ladakh nata a chaby liata râh nopazy likah liata buana a tlôkhei thei awpa zydua tawhta a sy khai awpa ta ama vaw paryhsa raihrie hapa kha a châ.

NDTV ta nohthlahpa a papuapa, Planet Labs, tawhta ama hneipa he Chhiepa noh 25 nata Chhiepa noh 26 liata lapa kha châ ta. He nohthlahpa liata â lâna dâhta cha Chinese pheisaihzy he Galwan rachhôh liata amâ pa-ipacha ngâhaipa ta â lâ ta. Chhiepa noh 15 liata India pheisaih 20 zy thina su he amâ sysaipa ta a lâ vei.

- NDTV