SIAHA : Covid-19 pasana hri pahnietuhpa 6 ama y ha heih!

Târi 18 Khihpa 2020 (Pachyhnoh)-ta Siaha District liata Covid-19 hri-ohpa DCHC liata mohôh haipa chyhsa 6 -zy chata Covid-19 pasana pahniepa ta, thohna-O ama puasai ha heih.

Pakhynohta Covid-19 pasana pahnietuhpazy 6 hryta 5 he chapaw châ ei ta, 1 he chanô a châ.

He hawhta a châ nota, Pakhynoh pyly heta Assam nata Bihar tawhta vaw tlôpa, viahpa 3-zy cha Covid-19 hri ama kiah tahpa hmôpapuapa ama châ.

Hetana heta Siaha District chyhsa, Covid-19 hri kiahpa ama tlâh khai ha nota, State hropa, viahpa 3-zy ta Covid-19 hri ama kiahpa vâta, Siaha District liata chyhsa 3 mohôhpa ama y ha heih, tahna a châ.