US ta Myanmar pheisaih sawhkhâ chôta hriena a siekhei bâ aw

US President Joe Biden chata Myanmar pheisaih ryureina chô liata hriena chaluah (Sanction) awpa cha â pyh haw.

He hriena (sanction) he pheisaihzy nata ama chhôhkhazy chô liata chaluah viapa châ aw ta, pheisaihzy nata ama chhôhkha chô liata hleikhôta, nietluana/sôhpaliena ama siekheipa chô liata chhao hriena he chaluahpa a châ hra aw.

He hleikhôta, Myanmar pheisaih sawhkhâ cha Sawhkhâ sôh, US liata sopa, $1bn (£720m) chhao hria thei lei awpa ta pakhâ awpa ta Hmahlana a y hra. He hawhta US ta hriena a chaluahpa he, Myanmar liata zawpi ta sawhkhâ ama kholeina palâsana a lai via lymâna hryta, Nay Pyi Taw khihpi liata Pheisaihzy ta lâthlôh a chhihpa hryta chanô pakha, a luh liata ama ka tawhta a châ.

He chanô, meithei ta ama kapa he Mya Thwe Thwe Khaing, kô 19 ta uhtheipa châ ta, pheisaihta zawpizy tikana (Water cannon), hârie theisâlô (rubber bullets) nata meithei ta ama tlahnao nota ama ka hapa a châ.

He chanô he theisâlô miakha ta khai ta, a duasu a pha lei kawpa hawhta reipa châ ta; he thâtih pachhuahpanoh hai nona heta Thohna-O liata atheihlô leipa ta a y hai.

- BBC