Assam leichopa vâta Mizoram ta rairuna a tyh

Aizawl: Assam nata Meghalaya liata athata vâ asuahpa vâta Tilaipa nata leichopa chata Mizoram liata Tikâtheipa nata niebaw duasu rairuna a tlôkhei hai. 

He hawhta a châ nona heta, sawhkhâ deikua ta cha he rairuna a tlô haipa pathlâpazi awpa heta Mizoram sawhkhâ chata hmah a la hai, a tah.

Mizoram su nano nanopa liata Tikâtheipa Ryna Suzy liata ahluahtheipa hluhpizy cha a patlâh hôlô ei ta; sawhkhâ ta Tikâtheipa la theina zie awpa bi a taipa hawhta Tikâtheipa he raipa a châ.

Mizoram State food, civil supplies and consumer affairs director Ramdinliani chata he hawhpa daihti rairu kawpa amâ tyh haipa vâta tikâtheipa Ryna Suzy liata Tikâtheipa la thei awpa zie cha bitaipa a châ, tahpa a reih.

He hawhta a châ nona deikua heta, Ramdinliani chata, zawpizy cha thlahzoh hmizohna vâta Mohropa tovyuh awpa chhao pachâ khao lei ngâna taihta apielyu lei awpa nata, Assam tawhta Tikâtheipa cha a vaw tlô pyly awpa châ ta, sawhkhâ ta a chatliena lâta lapangiana dâh lâkao a pachâ hai, a tah hra. 

Sawhkhâ chata Silchar liata Ramnagar liata Tikâtheipa pachôna su liata Tikâtheipa a chyh hapa vâta Guwahati tawhta lapangia awpa ta hmah a la hai, a tah hra. 

Diesel deikua â daihna rakha a y, tahpa reihpa ta, sawhkhâ chata tikâtheipa dâh pasaileipa ta (black ta) zuapa a châ leina awpa ta atheina zydua a Papua hai, a tah.

Sahphâ duasu reihpa ta, Ramdinliani chata Atahmâ duasu liata la a pha kaw chy, a tah hra.

Food Corporation of India (FCI) chata Rel lâthlôh a rao hapa vâta, Mizoram tovyuh awpa Sahphâ cha motor lâthlôh tawhta a vaw palypangia aw, a tah hra. 

Assam liata Barak Valley nata Dima Hasao district asiepahliena nata, Assam nata Tripura, Mizoram nata Manipur asiepahlienazy cha vâ athata a suahpa vâta Tilaipa nata leichopa ta a parao.