Mizoram : AIDS pasana ta Mizoram â ngiahnao lymâ hai
Aizawl : Mizoram liata HIV/Aids hriohpa hmôpapuapa chyhsa 28,344 y ha ei ta, thikheipa chyhsa 4,227 ama y ha.
Mizoram State Aids Control Society (MSACS) ta a ngiana dâhta, kô 1990 tawhta atakô Pamih taihta HIV/Aids hriohpa hmôpapua hapa zydua hry liata chanô hlâta chapaw hluh via ei ta, kô 25-34 likah hluh chai ei ta, chapaw 7,863 nata chanô 3,055 ama y ha.
Kô 14 ry lâ liata chanô 352 nata chapaw 368 hmôpapua hapa y ei ta, kô 15-24 liata chanô 1,825 nata chapaw 3,860, kô 35-49 liata chanô 2,606 nata chapaw 4,519, kô 50 chô lâta chanô 555 nata chapaw 956 HIV/Aids hriohpa hmôpapuapa ama châ.
Kô 2022-23 chhôh khata thisaih mopadopa chyhsa 54,904 tawhta HIV+ 2,233 (4.1%) hmôpapuapa y ei ta. HIV/Aids thikheipa 4,227 hry liata 2,764 zy cha chapaw châ ei ta, chanô 1,392 ypa ta, ama hry liata 71 zy cha hawtipa ama châ.
No comments