Py 10 Result : Chanô ta chapaw ama chhao

Aizawl: MBSE ta kô 2023 High School Leaving Certificate (HSLC) examination Result a papuapa liata, zâkô 2022 hawh pyly ta chapaw hlâta chanô hlaotlohna a topa ama hluh via ha heih.

Result tawhta â lâna dâhta High School Leaving Certificate (HSLC) examination, liana heta chanô exam hmiachhypa zydua tawhta zakha liata 71.99 ta hlaotlohna to ei ta, he hawhta a châ nona heta chapaw zakha liata 70.40 ta hlaotlohna ama to. Zâkô 2022 khata chanô zakha liata 71.88 ta hlaotlohna ama to nota, chapaw zakha liata 69.54 ta hlaotlohna am topa kha a châ.

Atakô 2013 Hmypi thla liata pachhuahpanohpa HSLC Exam liana heta achuhaipa 18,102 ta Exam hmiachhy ei ta, zakha liata 71.14 ta hlaotlohna ama to. Achuhaipa 17 tlai Top 10 liata a hlao ei ta, he hryta 14 cha chanô ama châ.

Cynthia Lalhlupuii Shangpliang, St. Paul Higher Secondary School, Aizawl chata Full marks 500 liata 485 hmôpa ta Top 10 liata 1-na duasu a to. 

Exam hmiachhypa zydua 18,102 tawhta chanô 2,822 a hlaopa ta achuhaipa 5,162 ta hlaotlohna to vei ei.

Achuhaipa 1,302 zy ta 'distinction' ta hlaotlohna to ei ta, 1st Div liata 3,488, 2nd Div liata 4,731 nata 3rd Div liata achuhaipa 3,357 zy ta hlaotlohna ama to.

He hawhta a châ nona heta achuhaipa 62 zy cha 'compartmental examination' hmiachhy awpa ta vâhneina to ei ta; achuhaipa hlaotlohna a topa y leina Siku 14 tlai a y.