Kô 2022 chhôhta Siaha District liata Hawsaih pihpa 1755 ama y

 Zâkô kô 2022 chhôh khata Mizoram liata Hawsaih pihpa 26,049 y ei ta, athihpa 8,584 ama y hra. Hawsaih pihpa hry liana heta chapaw hluh via ei ta, athihpa hry liata chhao chapaw ama hluh via hra.
Economics & Statistics department-ta ‘Annual report of Registration of Births & Deaths Mizoram, 2022’ a papuapa hawhta â lâzie liata zâkô 2022 ta Hawsaih pihpa 26,049 hryta 13,150 he chapaw châ ei ta, 12,899 cha chanô ama châ.

Zâkô chhôh pyly khata Mizoram liata athihpa a ypa 8,584 hryta 5,520 cha chapaw châ ei ta, 3,064 cha chanô ama châ. Zâkô chhôhta a thipa zydua tawhta reipatipa ta chapaw thipa zie cha 64.30% ama tloh.

Zâkô chhôh pyly khata hawsaihpa thipa 380 y ei ta, he hry liata 190 he chapaw châ ei ta, chanô thipa 190 ama y hra. Nawh thi chiehpa ta a pihpa (still birth) 78 y ei ta, he hryta 43 cha chapaw châ ei ta, chanô 35 ama y hra.

Economics & Statistics department-ta Mizoram chhôh liata Registrar of Births & Deaths 869-zy tawhta data a lapakhypa tawhta zâkô chhôhta district nano nanopa liata Hawsaih pihpa zie nata athihpa zie :

District         Apihpa    Athihpa

Mamit            2071      438

Kolasib           1611      567
Aizawl            9607      4022
Champhai      2165      608
Serchhip        617        399
Lunglei          3088      851
Lawngtlai      3440      703
Siaha             1755      315
Saitual           663        226
Khawzawl      611        246
Hnahthial      421        209
Total             26049     8584