Madhya Pradesh : Chhôhkha paryhsaleina chôta amâ hneipa vâta pazô ama padosa

Alirajpur, Madhya Pradesh, India liata nôvah hawti kaw chypazy cha ama nô nata pawzy paryhsaleina chôta amâ hneipa vâta thluahruapa ta sopa nata pazeipa ama châ hleikhôta, chyhsapa pazô (urine) padosapa ama châ.

A chapaw viapa he kô 23 ta uhtheipa châ ta, a chanôpa he kô 21 châpa ta, Alirajpur khihpa rairie châ ei ta, ama nô nata paw zy paryhsaleina chôta atakô May liana khata â hnei ei ta. A lahpinô chhôhkhazy palôhpatlãhna awpa ta a vahpa he a lahpinô chhôhkhanah he Rs 70,000 nata mie 2 pie ta. Châhrasala, chipho kyh liata biehneina â sâh kawpa ryureina chata henah nôvah he tlahnao awpa ta bie a pathlu pyly hapa a châ.

Henah nôvah he Gujarat amâ hnei khai tawhta siepa ta, ama vaw tlô heihpa cha ama chhôhkhanah he hawhna heta ama vaw tao hapa a châ.