Myanmar pheisaih nata Arakan Army akana liata Civil chyhsa 20 ama thi ha

YANGON— Thla 5 chhôh Myanmar pheisaih nata Arakan Army (AA) zy, Rakhine State liata amâ kana liata civil chyhsa 20 ama thi ha, tahpa Myanmar President Office biephuahtuhpa chata a rei.

Chutyhnohta Naypyitaw liata thâtihthiehpa lapakhytuhpazy hnohta a reina liata, U Zaw Htay, President’s Office biephuahtuhpa nata State Counselor’s Office director general, heta he daihti chhôh heta Myanmar pheisaih (Tatmadaw) zy nata AA-zy he ei 206 tlai amâ  ka hmâ hra, a ta.

Nawh târi 1 tawhta Patô târi 27 (Jan. 1 to May 27) chhôh khata AA pheisaih 100 thi ei ta; Police 31 thi hrapa ta, AA pheisaih 48 zy cha patupa ama châ hra, tahpa palâsapa a châ hra.

Image credit - Google third party image

He hawhta a châ nona heta, Myanmar pheisaih Officer khazie rakhama AA zy heta ama kasao hra, tahpa Report a ypa deikua, khazie tlai ma ama thi, tahpa palâsa vei.

President Office biephuahtuhpa heta, pheisaihzy nata AA-zy a kana liana heta Police 32 hleikhôta ta civil chyhsa 43 ta hmah phaoh ei ta; Myanmar Police Officer khazie rakhama cha ama yna chybia pahnopa châ mâh vei, a ta.

Myanmar pheisaihzy nata AA, Rakhine State liata biehneina lai viapa ateituhpazy adyuhna he, atakô Nawh târi 4 (Jan. 4) liata Northern Rakhine liata Police station, AA-zy ta ama tlahnao tawhna rakha khata paru via lymâ ta. He vâna heta thina-leina chhao a pôh via lymâ hrapa a châ.

-          Irrawady News