Siaha District tawhta chyhsa 12-ta 'Victim Compensation' ama dao ha

Aizawl: Mizoram Victims of Crime Compensation 2011 ry liata chyhsa 196 zy deichhyna châta chârithôna (Compensation) pie hapa ama châ.

Google third Party Image

Mizoram State Legal Service Authority ta ama reina dâhta, chyhsa ku a taopa, châtithôna (victim compensation) pie hapazy he patupakhina atyh hapa chyhsa 30, Arms Act 9, liahnycheihna 29, POCSO 123, a pasa kawpa ta hmah phaohpa 1, unnatural offence 1, chhaichhi hmâpa ta a pasa kawpa ta chyhsa hmah paphaopa 2 nata chyhsa paruna liata 1 zy ama châ.

District nano nanopa liata compensation pie hana dâh cha he hawhna heta a châ - Aizawl district liata 65, Lunglei 24, Champhai 32, Siaha 12, Lawngtlai 5, Serchhip 16, Kolasib 9 nata Mamit district 33 zy ama châ.

Mizoram State Legal Service Authority liata Member Secretary Vanlalenmawia ta a reina dâhta cha, khahlâ ta victim compensation dao thei awpazy cha BPL family ama châ awpa a châ tahpa cha taopathi hapa châ ta, vâduana a tyhpazy châta cha â dao thei khai ta. Sôh dao awpa zie chhao he bitaipa y vei, a ta.

Victim compensation dao awpa heta Police liata FIR pangiapa tlyma, Magistrate liata complaint pangia a ngiah ta, enquiry report chhaota ahiahtuhpazy yna District Legal Service Authority liata pangia awpa a châ, tahpa MSLSA liata hriatuhpazy chata ama rei hra.

- Zalen